មួយសមួយខ្មៅ
កំណត់សម្គាល់៖
- មួយសមួយខ្មៅ ( សរសេរត្រឹមត្រូវតាមវចនានុក្រម ខ្មែរ ) ឯចំណែក មួយសរមួយខ្មៅ ( សរសេរមិនត្រឹមត្រូវតាមវចនានុក្រម ខ្មែរ )ចំណងជើងនៅលើ ថាស Vinyl ជាបទចម្រៀងដើម មុនថ្ងៃ១៧ មេសា ១៩៧៥ ច្រៀងដំបូង ដោយ ប៉ែន រ៉ន និង រស់ សេរីសុទ្ធា
- បទភ្លេង និង ទំនុកច្រៀង ដោយ វ៉ោយ ហូរ
- ដឹកនាំភ្លេងដោយ ហាស់ សាឡន
- តាមយោបល់ យង់ វិបុល ព្រមទាំងតន្ត្រីករមួយចំនួន បទ មួយសមួយខ្មៅ នេះប្រគំជាចង្វាក់. Guaracha. តែដោយឡែកនៅលើសំបកថាសឬសំបកកាស្សែត បានសរសេរបញ្ជាក់ថាបទនេះប្រគំជាចង្វាក់ Cha Cha Cha .។
- ប្រគំដោយ វង់តន្ត្រី រស្មី
- ចេញផ្សាយនៅថាស - Vinyl ដោយក្រុមហ៊ុន កម្ពុជា-45-66094-A-មួយសរមួយខ្មៅ-ថាស Vinyl
- កម្ពុជា-45-66094-A-មួយស-មួយខ្មៅ-B-កញ្ញា-៨០-គីឡូ-ក្របក្រោយ
- ចេញផ្សាយជា កាសែ្សត ក្រុមហ៊ុន កាស្សែត White Cloud (No 73-1) - (A) មួយស មួយខ្មៅ - ក្រប នៅ Side A បទទី ២ នៅឆ្នាំ ១៩៧៣
- យើង បានកត់សំគាល់ ថា មាន បទចម្រៀង ជាភាសា ថៃ ចំណងជើង แม่ค้ามะพร้าวอ่อน
- ច្រៀង ដោយ เรียม ดาราน้อย នៅឆ្នាំ១៩៧២
- បទភ្លេងនិងទំនុក ដោយ ครูไพบูลย์ บุตรขัน
អត្ថបទចម្រៀង
មួយសមួយខ្មៅ
(រួម) – សប្បាយមែន សប្បាយមែនខ្ញុំសែនពេញក្នុងចិន្តា ខ្ញុំមានវាសនាបានជួបសង្សារ សង្ហាលេខមួយៗលេខមួយៗ។
១ – (រ៉ន) – គូខ្ញុំសមល្អ សាច់ហ្មត់សែនស ល្អដូចសំឡី ក្រក៏មិនក្រ ក៏មិនមានដូចជា សេដ្ឋី សក់មិនវែងមិនខ្លី បានគេធ្វើប្តីសំណាងខ្ញុំហើយ។
២ – (សុទ្ធា) – គូខ្ញុំសមណាស់ នៅក្មេងមិនចាស់កំពុងពេញវ័យ ឯសម្បុរក៏ខ្មៅស្រស់ មាន ឱជារសប្រពៃ ខ្ញុំបានគេមកធ្វើប្តី នេះជានិស្ស័យសំណាងខ្ញុំ ដែរ
(រួម) : សប្បាយមែន សប្បាយមែនខ្ញុំសែនពេញក្នុងចិន្តា ខ្ញុំមានវាសនាបានជួបសង្សារ សង្ហាលេខមួយៗលេខមួយៗ។
៣ – (មាស) – គូខ្ញុំល្អផុត ស្រីៗគ្រប់មាត់ក៏ភ្លាត់សរសើរ ស្រស់ ហាក់ដូចជា ទេវតាមកពី ឋានលើ ក្លិនក្រអូបប្រហើរ ខ្ញុំត្រូវសរសើរសំណាងខ្ញុំហើយ។
៤ – (សុទ្ធា) – ខ្មៅមែនគូខ្ញុំ តែកុំច្រឡំ សមណាស់លោកអើយ ក្រចកដៃកាត់ខ្លួនប្រាណ ដុសខាត់គ្មានក្អែលឡើយ ឫកមិនឆ្មើងកន្តើយ សំណាងខ្ញុំហើយបានគេជាគូ។
(រួម) : សប្បាយមែន សប្បាយមែនខ្ញុំសែនពេញក្នុងចិន្តា ខ្ញុំមានវាសនាបានជួបសង្សារ សង្ហាលេខមួយៗលេខមួយៗ។
ច្រៀងដោយ ប៉ែន រ៉ន និង រស់ សេរីសុទ្ធា
ប្រគំជាចង្វាក់ Guaracha
សូមស្ដាប់សំនៀងដើម
អំណោយពី អ៊ុច សំអាត ថតផ្ទាល់ពីថាស កម្ពុជា-45-66094-A-មួយសរមួយខ្មៅ-ថាស Vinyl និង នៅ YouTube athch5 in MP4
អំណោយពី អ៊ុច សំអាត ថតផ្ទាល់ពីថាស កម្ពុជា-45-66094-A-មួយសរមួយខ្មៅ-ថាស Vinyl និង នៅ YouTube athch5 in MP3
បទបរទេសដែលស្រដៀងគ្នា
ក្រុមការងារ
- ប្រមូលផ្ដុំ ដោយ ខ្ចៅ ឃុនសំរ៉ង
- គាំទ្រ ផ្ដល់យោបល់ ជាពិសេស ព័ត៌មាន ចម្រៀង ថៃ
- ប្រភពឯកសារផ្ដល់ដោយ អ៊ុច សំអាត
- គាំទ្រ ដោយ សៀប ពិសិដ្ឋ និង កែ ក្រានិត
- ពិនិត្យ អក្ខរាវិរុទ្ធ ដោយ ខ្ចៅ ឃុនសំរ៉ង ក្រឹម សុខេង ហ៊ាង សោភា គៀម សុខឡី ឌឹម ចំរ៉ុង ផា វិចិត្រប៊ុនណា និង ផុន សុខលីម.
យើងខ្ញុំមានបំណងរក្សាសម្បត្តិខ្មែរទុកនៅលើគេហទំព័រ www.elibraryofcambodia.org នេះ ព្រមទាំងផ្សព្វផ្សាយសម្រាប់បម្រើជាប្រយោជន៍សាធារណៈ ដោយឥតគិតរក និងយកកម្រៃ នៅមុនថ្ងៃទី១៧ ខែមេសា ឆ្នាំ១៩៧៥ ចម្រៀងខ្មែរបានថតផ្សាយលក់លើថាសចម្រៀង 45 RPM 33 ½ RPM 78 RPM ដោយផលិតកម្ម ថាស កណ្ដឹងមាស ឃ្លាំងមឿង ចតុមុខ ហេងហេង សញ្ញាច័ន្ទឆាយា នាគមាស បាយ័ន ផ្សារថ្មី ពស់មាស ពែងមាស ភួងម្លិះ ភ្នំពេជ្រ គ្លិស្សេ ភ្នំពេញ ភ្នំមាស មណ្ឌលតន្រ្តី មនោរម្យ មេអំបៅ រូបតោ កាពីតូល សញ្ញា វត្តភ្នំ វិមានឯករាជ្យ សម័យអាប៉ូឡូ សាឃូរ៉ា ខ្លាធំ សិម្ពលី សេកមាស ហង្សមាស ហនុមាន ហ្គាណេហ្វូ អង្គរ Lac Sea សញ្ញា អប្សារា អូឡាំពិក កីឡា ថាសមាស ម្កុដពេជ្រ មនោរម្យ បូកគោ ឥន្ទ្រី Eagle ទេពអប្សរ ចតុមុខ ឃ្លោកទិព្វ ខេមរា មេខ្លា សាកលតន្ត្រី មេអំបៅ Diamond Columbo ហ្វីលិព Philips EUROPASIE EP ដំណើរខ្មែរ ទេពធីតា មហាធូរ៉ា ជាដើម។
ព្រមជាមួយគ្នាមានកាសែ្សតចម្រៀង (Cassette) ដូចជា កាស្សែត ពពកស White Cloud កាស្សែត ពស់មាស កាស្សែត ច័ន្ទឆាយា កាស្សែត ថាសមាស កាស្សែត ពេងមាស កាស្សែត ភ្នំពេជ្រ កាស្សែត មេខ្លា កាស្សែត វត្តភ្នំ កាស្សែត វិមានឯករាជ្យ កាស្សែត ស៊ីន ស៊ីសាមុត កាស្សែត អប្សារា កាស្សែត សាឃូរ៉ា និង reel to reel tape ក្នុងជំនាន់នោះ អ្នកចម្រៀង ប្រុសមានលោក ស៊ិន ស៊ីសាមុត លោក ថេត សម្បត្តិ លោក សុះ ម៉ាត់ លោក យស អូឡារាំង លោក យ៉ង់ ឈាង លោក ពេជ្រ សាមឿន លោក គាង យុទ្ធហាន លោក ជា សាវឿន លោក ថាច់ សូលី លោក ឌុច គឹមហាក់ លោក យិន ឌីកាន លោក វ៉ា សូវី លោក ឡឹក សាវ៉ាត លោក ហួរ ឡាវី លោក វ័រ សារុន លោក កុល សែម លោក មាស សាម៉ន លោក អាប់ឌុល សារី លោក តូច តេង លោក ជុំ កែម លោក អ៊ឹង ណារី លោក អ៊ិន យ៉េង លោក ម៉ុល កាម៉ាច លោក អ៊ឹម សុងសឺម លោក មាស ហុកសេង លោក លីវ តឹក និងលោក យិន សារិន ជាដើម។
ចំណែកអ្នកចម្រៀងស្រីមាន អ្នកស្រី ហៃ សុខុម អ្នកស្រី រស់សេរីសុទ្ធា អ្នកស្រី ពៅ ណារី ឬ ពៅ វណ្ណារី អ្នកស្រី ហែម សុវណ្ណ អ្នកស្រី កែវ មន្ថា អ្នកស្រី កែវ សេដ្ឋា អ្នកស្រី ឌីសាខន អ្នកស្រី កុយ សារឹម អ្នកស្រី ប៉ែនរ៉ន អ្នកស្រី ហួយ មាស អ្នកស្រី ម៉ៅ សារ៉េត អ្នកស្រី សូ សាវឿន អ្នកស្រី តារា ចោមច័ន្ទ អ្នកស្រី ឈុន វណ្ណា អ្នកស្រី សៀង ឌី អ្នកស្រី ឈូន ម៉ាឡៃ អ្នកស្រី យីវ បូផាន អ្នកស្រី សុត សុខា អ្នកស្រី ពៅ សុជាតា អ្នកស្រី នូវ ណារិន អ្នកស្រី សេង បុទុម និងអ្នកស្រី ប៉ូឡែត ហៅ Sav Dei ជាដើម។
បន្ទាប់ពីថ្ងៃទី១៧ ខែមេសា ឆ្នាំ១៩៧៥ ផលិតកម្មរស្មីពានមាស សាយណ្ណារា បានធ្វើស៊ីឌី របស់អ្នកចម្រៀងជំនាន់មុនថ្ងៃទី១៧ ខែមេសា ឆ្នាំ១៩៧៥។ ជាមួយគ្នាផងដែរ ផលិតកម្ម រស្មីហង្សមាស ចាបមាស រៃមាស ឆ្លងដែន ជាដើមបានផលិតជា ស៊ីឌី វីស៊ីឌី ឌីវីឌី មានអត្ថបទចម្រៀងដើម ព្រមទាំងអត្ថបទចម្រៀងខុសពីមុនខ្លះៗ ហើយច្រៀងដោយអ្នកជំនាន់មុន និងអ្នកចម្រៀងជំនាន់ថ្មីដូចជា លោក ណូយ វ៉ាន់ណេត លោក ឯក ស៊ីដេ លោក ឡោ សារិត លោក សួស សងវាចា លោក មករា រ័ត្ន លោក ឈួយ សុភាព លោក គង់ ឌីណា លោក សូ សុភ័ក្រ លោក ពេជ្រ សុខា លោក សុត សាវុឌ លោក ព្រាប សុវត្ថិ លោក កែវ សារ៉ាត់ លោក ឆន សុវណ្ណរាជ លោក ឆាយ វិរៈយុទ្ធ អ្នកស្រី ជិន សេរីយ៉ា អ្នកស្រី ម៉េង កែវពេជ្រចិន្តា អ្នកស្រី ទូច ស្រីនិច អ្នកស្រី ហ៊ឹម ស៊ីវន កញ្ញា ទៀងមុំ សុធាវី អ្នកស្រី អឿន ស្រីមុំ អ្នកស្រី ឈួន សុវណ្ណឆ័យ អ្នកស្រី ឱក សុគន្ធកញ្ញា អ្នកស្រី សុគន្ធ នីសា អ្នកស្រី សាត សេរីយ៉ង និងអ្នកស្រី អ៊ុន សុផល ជាដើម។