This website works best with JavaScript enabled.
បណ្ណាល័យអេឡិចត្រូនិចខ្មែរ Close

រើសប្រពន្ធគ្រប់ខេត្ត

កំណត់សម្គាល់៖

  • រើសប្រពន្ធគ្រប់ខេត្ត ជាបទចម្រៀងដើម មុនថ្ងៃ១៧ មេសា ១៩៧៥ ច្រៀងដំបូង ដោយ ស៊ីន ស៊ីសាមុត និង មាស សាម៉ន
  • ប្រគំជាចង្វាក់ តាលុង

អត្ថបទចម្រៀង

រើសប្រពន្ធគ្រប់ខេត្ត

 

ផ្ដើម – ( ច្រៀងរួម ) អេ…! ( សាមុត ) តើឯងទៅណា? ( សាម៉ន ) ឯងមកពីណា?

( ច្រៀងរួម ) ទើបបានជួបគ្នានៅបាត់ដំបងនេះ

( សាម៉ន ) ហាស!ៗៗៗ សប្បាយណាស់ ហេះៗៗ សប្បាយណាស់ អស់ប៉ុន្មានក៏អស់ទៅ ឱ្យតែសប្បាយ

 

១ – ( សាមុត ) ខ្ញុំមកពីក្រុងភ្នំពេញ ចំណែកឯងវិញអីយ៉ាមកពីណាដែរ?

( សាម៉ន ) ខ្ញុំដើរជុំវិញស្រុកខ្មែរ (២ដង) ឥឡូវទើបតែមកបាត់ដំបង

( សាមុត ) មកលេងឬអ្វីប្រាប់គ្នាផង (២ដង)

( សាម៉ន ) អូ! មកបាត់ដំបង បំណងមកដណ្ដឹងប្រពន្ធទេ ច្រើនឆ្នាំហើយដើររើសគូភរិយា តែខុសឆ្នាំគ្នាអីយ៉ាស់ពិបាករកស៊ី ដើរដល់មណ្ឌលគិរី (២ដង) ហើយរតនគិរី ក្រចេះ ហើយនិងស្ទឹងត្រែង រួចហើយស្វាយរៀងនិងព្រៃវែង (២ដង)

( សាមុត ) អូ! ខ្ញុំក៏ដូចឯងដែរ ដើរស្វែងដណ្ដឹងប្រពន្ធដែរ

 

២ – ( សាមុត ) ទៅដល់កំពង់សោមក្រុង រួចហើយកោះកុងហើយចូលមកក្រុងកំពតទៀត ស្រីល្អមានតែព្រោងព្រាត (២ដង)

( សាម៉ន ) តើចាំអីទៀត? ម្ដេចមិនដណ្ដឹងមកទៅ

(សាមុត) ទេទេ វាទាស់ម៉ែឪ (២ដង)

( សាម៉ន ) តើវាទាស់ម្ដេចទៅ?

( សាមុត ) ទាស់រឿងម៉ែឪកាចពេក

 

៣ – ( សាម៉ន ) ចំណែកគ្នាឯណេះវិញ ចេញពីភ្នំពេញទៅកំពង់ចាម កំពង់ធំ បានឃើញស្រីមួយរមទម តែវាទាស់មិនមែនក្រមុំ តូចចិត្តណាស់ខ្ញុំ ខ្ញុំក៏ទៅសៀមរាបភ្លាម ទៅដល់ស្រាប់តែវាចុកឈាម

( សាមុត ) ចុកឈាមរឿងអីមហាមិត្ត ?

( សាម៉ន ) ថាវិលគំនិតស្រីនោះគេជិតចូលរោងការ

 

៤ – ( សាមុត ) រឿងយើងមិនខុសគ្នាទេ ឥឡូវនៅតែបាត់ដំបងទេដែរសង្ឃឹម

( សាម៉ន ) ហ្ន !ៗ ស្រីល្អញញឹម អីយ៉ាស់ឱ្យខ្ញុំសង្ឃឹម មុខស្រស់ប៉ប្រឹម អីយ៉ាស់បានខ្ញុំសមណាស់

( សាម៉ន ) មិនសមទេៗ ឯងចាស់

( សាមុត ) ផ្ដេសផ្ដាសសមណាស់ សមជាងឯង

( សាម៉ន ) នែ! មុខឯងកើតស្រែង ឯងកុំដណ្ដឹងគេមិនឱ្យទេ ។

 

(ភ្លេង)

 

ច្រៀងសាឡើងវិញ ៤

 

ច្រៀងដោយ ស៊ីន ស៊ីសាមុត និង មាស សាម៉ន

ប្រគំជាចង្វាក់ តាលុង

បទបរទេសដែលស្រដៀងគ្នា

ក្រុមការងារ

  • ប្រមូលផ្តុំដោយ ខ្ចៅ ឃុនសំរ៉ង
  • គាំទ្រ ផ្តល់យោបល់ ដោយ យង់ វិបុល
  • ពិនិត្យអក្ខរាវិរុទ្ធដោយ ខ្ចៅ ឃុនសំរ៉ង សឿន ស្រីដេត ម៉ន សុខឡែន ប៉ោក លីនដា និង ណាល់ ណារី

យើងខ្ញុំមានបំណងរក្សាសម្បត្តិខ្មែរទុកនៅលើគេហទំព័រ www.elibraryofcambodia.org នេះ ព្រមទាំងផ្សព្វផ្សាយសម្រាប់បម្រើជាប្រយោជន៍សាធារណៈ ដោយឥតគិតរក និងយកកម្រៃ នៅមុនថ្ងៃទី១៧ ខែមេសា ឆ្នាំ១៩៧៥ ចម្រៀងខ្មែរបានថតផ្សាយលក់លើថាសចម្រៀង 45 RPM 33 ½ RPM 78 RPM​ ដោយផលិតកម្ម ថាស កណ្ដឹងមាស ឃ្លាំងមឿង ចតុមុខ ហេងហេង សញ្ញាច័ន្ទឆាយា នាគមាស បាយ័ន ផ្សារថ្មី ពស់មាស ពែងមាស ភួងម្លិះ ភ្នំពេជ្រ គ្លិស្សេ ភ្នំពេញ ភ្នំមាស មណ្ឌលតន្រ្តី មនោរម្យ មេអំបៅ រូបតោ កាពីតូល សញ្ញា វត្តភ្នំ វិមានឯករាជ្យ សម័យអាប៉ូឡូ ​​​ សាឃូរ៉ា ខ្លាធំ សិម្ពលី សេកមាស ហង្សមាស ហនុមាន ហ្គាណេហ្វូ​ អង្គរ Lac Sea សញ្ញា អប្សារា អូឡាំពិក កីឡា ថាសមាស ម្កុដពេជ្រ មនោរម្យ បូកគោ ឥន្ទ្រី Eagle ទេពអប្សរ ចតុមុខ ឃ្លោកទិព្វ ខេមរា មេខ្លា សាកលតន្ត្រី មេអំបៅ Diamond Columbo ហ្វីលិព Philips EUROPASIE EP ដំណើរខ្មែរ​ ទេពធីតា មហាធូរ៉ា ជាដើម​។

ព្រមជាមួយគ្នាមានកាសែ្សតចម្រៀង (Cassette) ដូចជា កាស្សែត ពពកស White Cloud កាស្សែត ពស់មាស កាស្សែត ច័ន្ទឆាយា កាស្សែត ថាសមាស កាស្សែត ពេងមាស កាស្សែត ភ្នំពេជ្រ កាស្សែត មេខ្លា កាស្សែត វត្តភ្នំ កាស្សែត វិមានឯករាជ្យ កាស្សែត ស៊ីន ស៊ីសាមុត កាស្សែត អប្សារា កាស្សែត សាឃូរ៉ា និង reel to reel tape ក្នុងជំនាន់នោះ អ្នកចម្រៀង ប្រុសមាន​លោក ស៊ិន ស៊ីសាមុត លោក ​ថេត សម្បត្តិ លោក សុះ ម៉ាត់ លោក យស អូឡារាំង លោក យ៉ង់ ឈាង លោក ពេជ្រ សាមឿន លោក គាង យុទ្ធហាន លោក ជា សាវឿន លោក ថាច់ សូលី លោក ឌុច គឹមហាក់ លោក យិន ឌីកាន លោក វ៉ា សូវី លោក ឡឹក សាវ៉ាត លោក ហួរ ឡាវី លោក វ័រ សារុន​ លោក កុល សែម លោក មាស សាម៉ន លោក អាប់ឌុល សារី លោក តូច តេង លោក ជុំ កែម លោក អ៊ឹង ណារី លោក អ៊ិន យ៉េង​​ លោក ម៉ុល កាម៉ាច លោក អ៊ឹម សុងសឺម ​លោក មាស ហុក​សេង លោក​ ​​លីវ តឹក និងលោក យិន សារិន ជាដើម។

ចំណែកអ្នកចម្រៀងស្រីមាន អ្នកស្រី ហៃ សុខុម​ អ្នកស្រី រស់សេរី​សុទ្ធា អ្នកស្រី ពៅ ណារី ឬ ពៅ វណ្ណារី អ្នកស្រី ហែម សុវណ្ណ អ្នកស្រី កែវ មន្ថា អ្នកស្រី កែវ សេដ្ឋា អ្នកស្រី ឌី​សាខន អ្នកស្រី កុយ សារឹម អ្នកស្រី ប៉ែនរ៉ន អ្នកស្រី ហួយ មាស អ្នកស្រី ម៉ៅ សារ៉េត ​អ្នកស្រី សូ សាវឿន អ្នកស្រី តារា ចោម​ច័ន្ទ អ្នកស្រី ឈុន វណ្ណា អ្នកស្រី សៀង ឌី អ្នកស្រី ឈូន ម៉ាឡៃ អ្នកស្រី យីវ​ បូផាន​ អ្នកស្រី​ សុត សុខា អ្នកស្រី ពៅ សុជាតា អ្នកស្រី នូវ ណារិន អ្នកស្រី សេង បុទុម និងអ្នកស្រី ប៉ូឡែត ហៅ Sav Dei ជាដើម។

បន្ទាប់​ពីថ្ងៃទី១៧ ខែមេសា ឆ្នាំ១៩៧៥​ ផលិតកម្មរស្មីពានមាស សាយណ្ណារា បានធ្វើស៊ីឌី ​របស់អ្នកចម្រៀងជំនាន់មុនថ្ងៃទី១៧ ខែមេសា ឆ្នាំ១៩៧៥។ ជាមួយគ្នាផងដែរ ផលិតកម្ម រស្មីហង្សមាស ចាបមាស រៃមាស​ ឆ្លងដែន ជាដើមបានផលិតជា ស៊ីឌី វីស៊ីឌី ឌីវីឌី មានអត្ថបទចម្រៀងដើម ព្រមទាំងអត្ថបទចម្រៀងខុសពីមុន​ខ្លះៗ ហើយច្រៀងដោយអ្នកជំនាន់មុន និងអ្នកចម្រៀងជំនាន់​ថ្មីដូចជា លោក ណូយ វ៉ាន់ណេត លោក ឯក ស៊ីដេ​​ លោក ឡោ សារិត លោក​​ សួស សងវាចា​ លោក មករា រ័ត្ន លោក ឈួយ សុភាព លោក គង់ ឌីណា លោក សូ សុភ័ក្រ លោក ពេជ្រ សុខា លោក សុត​ សាវុឌ លោក ព្រាប សុវត្ថិ លោក កែវ សារ៉ាត់ លោក ឆន សុវណ្ណរាជ លោក ឆាយ វិរៈយុទ្ធ អ្នកស្រី ជិន សេរីយ៉ា អ្នកស្រី ម៉េង កែវពេជ្រចិន្តា អ្នកស្រី ទូច ស្រីនិច អ្នកស្រី ហ៊ឹម ស៊ីវន កញ្ញា​ ទៀងមុំ សុធាវី​​​ អ្នកស្រី អឿន ស្រីមុំ អ្នកស្រី ឈួន សុវណ្ណឆ័យ អ្នកស្រី ឱក សុគន្ធកញ្ញា អ្នកស្រី សុគន្ធ នីសា អ្នកស្រី សាត សេរីយ៉ង​ និងអ្នកស្រី​ អ៊ុន សុផល ជាដើម។