This website works best with JavaScript enabled.
បណ្ណាល័យអេឡិចត្រូនិចខ្មែរ Close

កំណត់សម្គាល់៖

  • មាសអើយមាសទឹកដប់ មានចំណងជើងជាភាសាបារាំង COEUR D'OR
  • ច្រៀងដោយ ស៊ីន ស៊ីសាមុត
  • ផ្សាយក្នុង ថាស Vinyl ផលិតកម្ម កម្ពុជា ​​ទាំងបី​ ថាស ផ្សេងគ្នា
  • មុនដំបូង នៅលើ ថាស 45 RPM 66018 Mono side B
  • បន្ទាប់មក នៅលើ ថាស​ 45 RPM 66018 Stereo side B
  • ព្រមទាំង នៅលើ ថាស 33 1/3 RPM Stereo 6805 Face 1
  • បន្ទាប់ពីឆ្នាំ ១៩៧៥ អ្នកចម្រៀងជំនាន់ថ្មី បានយកបទ​ មាសអើយមាសទឹកដប់ មកច្រៀង ដោយកែរចំណងជើង ទៅជា មាសទឹកដប់

អត្ថបទចម្រៀង

មាសអើយមាសទឹកដប់

 

១.   មាសអើយ មាសទឹកដប់        មានភ័ព្វកើតមករូបល្អ

ស្រស់អើយសែនស្រស់          ដូចកិន្នរមកពីសួគ៌ា។

ល្អអើយ ល្អ ហ្មត់ហ្មង              គ្មានឆ្គង ឱ្យទាស់ទ័យា

សមអើយ សែនសម               រកស្រី នា មកប្រៀប ផ្ទឹមគ្មាន។

 

២.   លាក់បាំង អ្វីស្រី បង សព្វថ្ងៃ       អាល័យ តែកែវ កល្យាណ

សែន រំខាន រីងរៃ ក្នុងប្រាណ      ចង់បាន តែពុំងា

សែន រំខាន រីងរៃ ក្នុងប្រាណ      ចង់បាន តែពុំងា។

 

៣.   មាសអើយ មាស ឆ្អិនឆ្អៅ    នាងនៅមិនទាន់មានគ្នា​​  

ចាំអើយ សែនចាំ គ្រប់ពេល វេលា  ក្រែងមាន និស្ស័យ។     

ទន្ទឹង រំពឹង ក្នុងចិត្ត​  គេងគិត ទាំងក្ដី ស្រមៃ   

 ព្រួយអើយ សែនព្រួយ ក្រែងមិន ប្រណី មកដល់ រូបបង។

 

៤.  លាក់បាំង អ្វីស្រី បង សព្វថ្ងៃ      អាល័យ តែកែវ នួនល្អង

សែន សៅហ្មង អាសូរ រៀមផង    ណាមាស បងអើយ

សែន សៅហ្មង អាសូរ រៀមផង    ណាមាស បងអើយ។

 

សូមស្ដាប់សំនៀងដើម

 

បទបរទេសដែលស្រដៀងគ្នា

អ្នកចម្រៀងជំនាន់ថ្មីដែលច្រៀងបទនេះ

  • ណូយ វ៉ាន់ណេត

  • ឯក ស៊ីដេ

  • ឈួយ​ សុភាព

ក្រុមការងារ

  • ប្រមូលផ្ដុំឯកសារ ដោយ ខ្ចៅ ឃុនសំរ៉ង
  • វាយអត្ថបទ និង ពិនិត្យអក្ខរាវិរុទ្ធ ដោយ ខ្ចៅ ឃុនសំរ៉ង ម៉ោង ឡៃហ៊ាង
  • គាំទ្រ និង ជួយផ្ដល់ព័ត៌មាន ដោយ អ៊ុច សំអាត ​​ និង យង់ វិបុល

យើងខ្ញុំមានបំណងរក្សាសម្បត្តិខ្មែរទុកនៅលើគេហទំព័រ www.elibraryofcambodia.org នេះ ព្រមទាំងផ្សព្វផ្សាយសម្រាប់បម្រើជាប្រយោជន៍សាធារណៈ ដោយឥតគិតរក និងយកកម្រៃ នៅមុនឆ្នាំ១៩៧៥ ចម្រៀងខ្មែរបានថតផ្សាយលក់លើថាសចម្រៀង 45 RPM 33 ½ RPM 78 RPM​ ដោយផលិតកម្ម ថាស កណ្ដឹងមាស ឃ្លាំងមឿង ចតុមុខ ហេងហេង សញ្ញាច័ន្ទឆាយា នាគមាស បាយ័ន ផ្សារថ្មី ពស់មាស ពែងមាស ភួងម្លិះ ភ្នំពេជ្រ គ្លិស្សេ ភ្នំពេញ ភ្នំមាស មណ្ឌលតន្រ្តី មនោរម្យ មេអំបៅ រូបតោ កាពីតូល សញ្ញា វត្តភ្នំ វិមានឯករាជ្យ សម័យអាប៉ូឡូ ​​​ សាឃូរ៉ា ខ្លាធំ សិម្ពលី សេកមាស ហង្សមាស ហនុមាន ហ្គាណេហ្វូ​ អង្គរ Lac Sea សញ្ញា អប្សារា អូឡាំពិក កីឡា ថាសមាស ម្កុដពេជ្រ មនោរម្យ បូកគោ ឥន្ទ្រី Eagle ទេពអប្សរ ចតុមុខ ឃ្លោកទិព្វ ខេមរា មេខ្លា សាកលតន្ត្រី មេអំបៅ Diamond Columbo ហ្វីលិព Philips EUROPASIE EP ដំណើរខ្មែរ​ ទេពធីតា មហាធូរ៉ា ជាដើម​។

ព្រមជាមួយគ្នាមានកាសែតចម្រៀង (Cassette) ដូចជា កាសែត ពពកស White Cloud កាសែត ពស់មាស កាសែត ច័ន្ទឆាយា កាសែត ថាសមាស កាសែត ពេងមាស កាសែត ភ្នំពេជ្រ កាសែត មេខ្លា កាសែត វត្តភ្នំ កាសែត វិមានឯករាជ្យ កាសែត ស៊ីន ស៊ីសាមុត កាសែត អប្សារា កាសែត សាឃូរ៉ា និង reel to reel tape ក្នុងជំនាន់នោះ អ្នកចម្រៀង ប្រុសមាន​លោក ស៊ិន ស៊ីសាមុត លោក ​ថេត សម្បត្តិ លោក សុះ ម៉ាត់ លោក យស អូឡារាំង លោក យ៉ង់ ឈាង លោក ពេជ្រ សាមឿន លោក គាង យុទ្ធហាន លោក ជា សាវឿន លោក ថាច់ សូលី លោក ឌុច គឹមហាក់ លោក យិន ឌីកាន លោក វ៉ា សូវី លោក ឡឹក សាវ៉ាត លោក ហួរ ឡាវី លោក វ័រ សារុន​ លោក កុល សែម លោក មាស សាម៉ន លោក អាប់ឌុល សារី លោក តូច តេង លោក ជុំ កែម លោក អ៊ឹង ណារី លោក អ៊ិន យ៉េង​​ លោក ម៉ុល កាម៉ាច លោក អ៊ឹម សុងសឺម ​លោក មាស ហុក​សេង លោក​ ​​លីវ តឹក និងលោក យិន សារិន ជាដើម។

ចំណែកអ្នកចម្រៀងស្រីមាន អ្នកស្រី ហៃ សុខុម​ អ្នកស្រី រស់សេរី​សុទ្ធា អ្នកស្រី ពៅ ណារី ឬ ពៅ វណ្ណារី អ្នកស្រី ហែម សុវណ្ណ អ្នកស្រី កែវ មន្ថា អ្នកស្រី កែវ សេដ្ឋា អ្នកស្រី ឌី​សាខន អ្នកស្រី កុយ សារឹម អ្នកស្រី ប៉ែនរ៉ន អ្នកស្រី ហួយ មាស អ្នកស្រី ម៉ៅ សារ៉េត ​អ្នកស្រី សូ សាវឿន អ្នកស្រី តារា ចោម​ច័ន្ទ អ្នកស្រី ឈុន វណ្ណា អ្នកស្រី សៀង ឌី អ្នកស្រី ឈូន ម៉ាឡៃ អ្នកស្រី យីវ​ បូផាន​ អ្នកស្រី​ សុត សុខា អ្នកស្រី ពៅ សុជាតា អ្នកស្រី នូវ ណារិន អ្នកស្រី សេង បុទុម និងអ្នកស្រី ប៉ូឡែត ហៅ Sav Dei ជាដើម។

បន្ទាប់​ពីឆ្នាំ១៩៧៥​ ផលិតកម្មរស្មីពានមាស សាយណ្ណារា បានធ្វើស៊ីឌី ​របស់អ្នកចម្រៀងជំនាន់មុន ឆ្នាំ ១៩៧៥។ ជាមួយគ្នាផងដែរ ផលិតកម្ម រស្មីហង្សមាស ចាបមាស រៃមាស​ ឆ្លងដែន ជាដើមបានផលិតជា ស៊ីឌី វីស៊ីឌី ឌីវីឌី មានអត្ថបទចម្រៀងដើម ព្រមទាំងអត្ថបទចម្រៀងខុសពីមុន​ខ្លះៗ ហើយច្រៀងដោយអ្នកជំនាន់មុន និងអ្នកចម្រៀងជំនាន់​ថ្មីដូចជា លោក ណូយ វ៉ាន់ណេត លោក ឯក ស៊ីដេ​​ លោក ឡោ សារិត លោក​​ សួស សងវាចា​ លោក មករា រ័ត្ន លោក ឈួយ សុភាព លោក គង់ ឌីណា លោក សូ សុភ័ក្រ លោក ពេជ្រ សុខា លោក សុត​ សាវុឌ លោក ព្រាប សុវត្ថិ លោក កែវ សារ៉ាត់ លោក ឆន សុវណ្ណរាជ លោក ឆាយ វិរៈយុទ្ធ អ្នកស្រី ជិន សេរីយ៉ា អ្នកស្រី ម៉េង កែវពេជ្រចិន្តា អ្នកស្រី ទូច ស្រីនិច អ្នកស្រី ហ៊ឹម ស៊ីវន កញ្ញា​ ទៀងមុំ សុធាវី​​​ អ្នកស្រី អឿន ស្រីមុំ អ្នកស្រី ឈួន សុវណ្ណឆ័យ អ្នកស្រី ឱក សុគន្ធកញ្ញា អ្នកស្រី សុគន្ធ នីសា អ្នកស្រី សាត សេរីយ៉ង​ និងអ្នកស្រី​ អ៊ុន សុផល ជាដើម។

error: Content is protected !!