ជួបគ្នានៅបាត់ដំបង
កំណត់សម្គាល់៖
- ជួបគ្នានៅបាត់ដំបងជាបទចម្រៀងកម្រមួយបទ ដែលយើងបានឃើញបទចម្រៀងនេះ តាម YouTube Channel តែពុំមានភស្តុតាង ថាស គម្របថាស កាស្សែត សៀវភៅ ឬឯកសារណាមួយ បញ្ជាក់ថាជាបទចម្រៀងដែលមានចំណងជើងត្រឹមត្រូវយ៉ាងណានោះទេច្រៀងដោយ ស៊ីន ស៊ិសាមុតនិង មាស សាម៉ន
អត្ថបទចម្រៀង
ជួបគ្នានៅបាត់ដំបង
១ – (រួម) អេ…
(ស៊ិន ស៊ីសាមុត) តើឯងទៅណា?
(មាស សាម៉ន) ឯងមកពីណា?
(រួម) ទើបបានជួបគ្នានៅបាត់ដំបងនេះ។
២ – (ស៊ិន ស៊ីសាមុត)ខ្ញុំមកពីក្រុងភ្នំពេញ ចំណែកឯងវិញអីយ៉ាស់មកពីណាដែរ?
(មាស សាម៉ន) ខ្ញុំដើរជុំវិញស្រុកខ្មែរៗ ឥឡូវទើបតែមកបាត់ដំបង។
(ស៊ិន ស៊ីសាមុត) មកលេងឬអ្វីប្រាប់គ្នាផងៗ ?
៣ – (មាស សាម៉ន) អូ!មកបាត់ដំបងបំណងមកដណ្តឹងប្រពន្ធទេ ច្រើនឆ្នាំហើយដើររើសគូភរិយា តែខុសឆ្នាំគ្នា អីយ៉ាស់ពិបាករកស៊ី (ដើរដល់ មណ្ឌលគិរី)ៗ រតនគិរី ក្រចេះហើយនិងស្ទឹងត្រែង រួចហើយស្វាយរៀងនិងព្រៃវែងៗ ។
៤ – (ស៊ិន ស៊ីសាមុត) អូ!ខ្ញុំក៏ដូចឯងដើរស្វែងដណ្តឹងប្រពន្ធដែរ។ ទៅដល់កំពង់សោមក្រុងរួចហើយកោះកុង ហើយចូលមកក្រុងកំពតទៀត ស្រីល្អមានដែរព្រោងព្រាតៗ។
(មាស សាម៉ន) តើចាំអីទៀតម្តេចមិនដណ្តឹងទៅ?
(ស៊ិន ស៊ីសាមុត)ទេៗ វាទាស់ម៉ែឪៗ!
(មាស សាម៉ន) តើវាទាស់ម្តេចទៅ?
(ស៊ិន ស៊ីសាមុត)ទាស់រឿងម៉ែឪកាចពេក។
៥ – (មាស សាម៉ន)ចំណែកគ្នាឯណេះវិញ ចេញពីភ្នំពេញទៅកំពង់ចាម កំពង់ធំ បានឃើញស្រីមួយរមទមតែវាទាស់មិនមែនក្រមុំ តូចចិត្តធ្ងន់ណាស់ខ្ញុំ ខ្ញុំក៏ទៅសៀមរាបភ្លាម ទៅដល់ស្រាប់តែចង់ចុកឈាម។
(ស៊ិន ស៊ីសាមុត) ចុកឈាមរឿងអីមហាមិត្ត?
(មាស សាម៉ន) ថាវាវិលគំនិតស្រីនោះគេជិតចូលរោងការ។
៦ – (ស៊ិន ស៊ីសាមុត) រឿងយើងមិនខុសគ្នាទេ ឥឡូវនៅតែបាត់ដំបងទេដែលសង្ឃឹម!
(មាស សាម៉ន)ហ្នៗៗស្រីល្អញញឹម អីយ៉ាស់ឱ្យខ្ញុំសង្ឃឹម មុខស្រស់ពព្រឹម អីយ៉ាស់បានខ្ញុំសមណាស់។
(ស៊ិន ស៊ីសាមុត) អត់ទេមិនសមទេឯងចាស់!
(មាស សាម៉ន) នែ!ផ្តេសផ្តាសសមណាស់ សមជាងឯង!
(ស៊ិន ស៊ីសាមុត) នែ!មុខឯងកើតស្រែងឯងកុំដណ្តឹង គេមិនឱ្យទេ។
(ភ្លេង)
ច្រៀងឡេីងវិញ៦
ច្រៀងដោយ ស៊ីន ស៊ិសាមុតនិង មាស សាម៉ន
បទបរទេសដែលស្រដៀងគ្នា
ក្រុមការងារ
- ប្រមូលផ្តុំដោយ ខ្ចៅ ឃុនសំរ៉ង
- គាំទ្រ ផ្តល់មតិយោបល់ ដោយ យង់ វិបុល
- ពិនិត្យអក្ខរាវិរុទ្ធដោយ ខ្ចៅ ឃុនសំរ៉ង ម៉ៅ រ៉ុង ឆឹង គឹមឡាង គៀម សុខឡី និង ស៊ុន សុគន្ធា
យើងខ្ញុំមានបំណងរក្សាសម្បត្តិខ្មែរទុកនៅលើគេហទំព័រ www.elibraryofcambodia.org នេះ ព្រមទាំងផ្សព្វផ្សាយសម្រាប់បម្រើជាប្រយោជន៍សាធារណៈ ដោយឥតគិតរក និងយកកម្រៃ នៅមុនថ្ងៃទី១៧ ខែមេសា ឆ្នាំ១៩៧៥ ចម្រៀងខ្មែរបានថតផ្សាយលក់លើថាសចម្រៀង 45 RPM 33 ½ RPM 78 RPM ដោយផលិតកម្ម ថាស កណ្ដឹងមាស ឃ្លាំងមឿង ចតុមុខ ហេងហេង សញ្ញាច័ន្ទឆាយា នាគមាស បាយ័ន ផ្សារថ្មី ពស់មាស ពែងមាស ភួងម្លិះ ភ្នំពេជ្រ គ្លិស្សេ ភ្នំពេញ ភ្នំមាស មណ្ឌលតន្រ្តី មនោរម្យ មេអំបៅ រូបតោ កាពីតូល សញ្ញា វត្តភ្នំ វិមានឯករាជ្យ សម័យអាប៉ូឡូ សាឃូរ៉ា ខ្លាធំ សិម្ពលី សេកមាស ហង្សមាស ហនុមាន ហ្គាណេហ្វូ អង្គរ Lac Sea សញ្ញា អប្សារា អូឡាំពិក កីឡា ថាសមាស ម្កុដពេជ្រ មនោរម្យ បូកគោ ឥន្ទ្រី Eagle ទេពអប្សរ ចតុមុខ ឃ្លោកទិព្វ ខេមរា មេខ្លា សាកលតន្ត្រី មេអំបៅ Diamond Columbo ហ្វីលិព Philips EUROPASIE EP ដំណើរខ្មែរ ទេពធីតា មហាធូរ៉ា ជាដើម។
ព្រមជាមួយគ្នាមានកាសែ្សតចម្រៀង (Cassette) ដូចជា កាស្សែត ពពកស White Cloud កាស្សែត ពស់មាស កាស្សែត ច័ន្ទឆាយា កាស្សែត ថាសមាស កាស្សែត ពេងមាស កាស្សែត ភ្នំពេជ្រ កាស្សែត មេខ្លា កាស្សែត វត្តភ្នំ កាស្សែត វិមានឯករាជ្យ កាស្សែត ស៊ីន ស៊ីសាមុត កាស្សែត អប្សារា កាស្សែត សាឃូរ៉ា និង reel to reel tape ក្នុងជំនាន់នោះ អ្នកចម្រៀង ប្រុសមានលោក ស៊ិន ស៊ីសាមុត លោក ថេត សម្បត្តិ លោក សុះ ម៉ាត់ លោក យស អូឡារាំង លោក យ៉ង់ ឈាង លោក ពេជ្រ សាមឿន លោក គាង យុទ្ធហាន លោក ជា សាវឿន លោក ថាច់ សូលី លោក ឌុច គឹមហាក់ លោក យិន ឌីកាន លោក វ៉ា សូវី លោក ឡឹក សាវ៉ាត លោក ហួរ ឡាវី លោក វ័រ សារុន លោក កុល សែម លោក មាស សាម៉ន លោក អាប់ឌុល សារី លោក តូច តេង លោក ជុំ កែម លោក អ៊ឹង ណារី លោក អ៊ិន យ៉េង លោក ម៉ុល កាម៉ាច លោក អ៊ឹម សុងសឺម លោក មាស ហុកសេង លោក លីវ តឹក និងលោក យិន សារិន ជាដើម។
ចំណែកអ្នកចម្រៀងស្រីមាន អ្នកស្រី ហៃ សុខុម អ្នកស្រី រស់សេរីសុទ្ធា អ្នកស្រី ពៅ ណារី ឬ ពៅ វណ្ណារី អ្នកស្រី ហែម សុវណ្ណ អ្នកស្រី កែវ មន្ថា អ្នកស្រី កែវ សេដ្ឋា អ្នកស្រី ឌីសាខន អ្នកស្រី កុយ សារឹម អ្នកស្រី ប៉ែនរ៉ន អ្នកស្រី ហួយ មាស អ្នកស្រី ម៉ៅ សារ៉េត អ្នកស្រី សូ សាវឿន អ្នកស្រី តារា ចោមច័ន្ទ អ្នកស្រី ឈុន វណ្ណា អ្នកស្រី សៀង ឌី អ្នកស្រី ឈូន ម៉ាឡៃ អ្នកស្រី យីវ បូផាន អ្នកស្រី សុត សុខា អ្នកស្រី ពៅ សុជាតា អ្នកស្រី នូវ ណារិន អ្នកស្រី សេង បុទុម និងអ្នកស្រី ប៉ូឡែត ហៅ Sav Dei ជាដើម។
បន្ទាប់ពីថ្ងៃទី១៧ ខែមេសា ឆ្នាំ១៩៧៥ ផលិតកម្មរស្មីពានមាស សាយណ្ណារា បានធ្វើស៊ីឌី របស់អ្នកចម្រៀងជំនាន់មុនថ្ងៃទី១៧ ខែមេសា ឆ្នាំ១៩៧៥។ ជាមួយគ្នាផងដែរ ផលិតកម្ម រស្មីហង្សមាស ចាបមាស រៃមាស ឆ្លងដែន ជាដើមបានផលិតជា ស៊ីឌី វីស៊ីឌី ឌីវីឌី មានអត្ថបទចម្រៀងដើម ព្រមទាំងអត្ថបទចម្រៀងខុសពីមុនខ្លះៗ ហើយច្រៀងដោយអ្នកជំនាន់មុន និងអ្នកចម្រៀងជំនាន់ថ្មីដូចជា លោក ណូយ វ៉ាន់ណេត លោក ឯក ស៊ីដេ លោក ឡោ សារិត លោក សួស សងវាចា លោក មករា រ័ត្ន លោក ឈួយ សុភាព លោក គង់ ឌីណា លោក សូ សុភ័ក្រ លោក ពេជ្រ សុខា លោក សុត សាវុឌ លោក ព្រាប សុវត្ថិ លោក កែវ សារ៉ាត់ លោក ឆន សុវណ្ណរាជ លោក ឆាយ វិរៈយុទ្ធ អ្នកស្រី ជិន សេរីយ៉ា អ្នកស្រី ម៉េង កែវពេជ្រចិន្តា អ្នកស្រី ទូច ស្រីនិច អ្នកស្រី ហ៊ឹម ស៊ីវន កញ្ញា ទៀងមុំ សុធាវី អ្នកស្រី អឿន ស្រីមុំ អ្នកស្រី ឈួន សុវណ្ណឆ័យ អ្នកស្រី ឱក សុគន្ធកញ្ញា អ្នកស្រី សុគន្ធ នីសា អ្នកស្រី សាត សេរីយ៉ង និងអ្នកស្រី អ៊ុន សុផល ជាដើម។