ម៉ានី
កំណត់សម្គាល់៖
- ម៉ានី ជាបទចម្រៀងដើម មុនថ្ងៃ១៧ មេសា ១៩៧៥ ច្រៀងដំបូង ដោយ សុីន សុីសាមុត និង រស់ សេរីសុទ្ធា
- ប្រគំជាចង្វាក់ Pasodoble
អត្ថបទចម្រៀង
ម៉ានី
១ –(ប្រុស) ឱ! វាលអើយវាលស្មៅ អ្នកនៅដដែលរៀមខ្វះរូបស្រី
ម៉ានីស្រស់ចរណៃ អូនស្លាប់ឬអីបងព្រួយកន្លង
ម្ដេចអូនព្រាត់ពីបង បងសុខចិត្តក្ស័យ ហើយណាអូនណាៗអូន
យើងនៅរស់ជិតគ្នា ទោះស្លាប់រស់យើងនឹងស្លាប់ជិតគ្នា ម៉ានី។
២ –(ស្រី) ទេបងបណ្ដូលចិត្តជាទីស្នេហា អូនឆ្លើយតបបង ម៉ានីគ្មានបំណង រត់គេចពីបងព្រាត់ទៅឆ្ងាយឡើយ ចំណែករូបអូនវិញ កើតទុក្ខទោម្នេញ ហើយណាបងណាៗបង អូនខ្លាចក្រែងតែចិត្តៗប្រុសគេចកែបែកបែរពីអូន។
៣ –(ប្រុស) បងនឹកឃើញគ្រាដើមស្នេហ៍យើងទាំងពីរ មិនអាចភ្លេចបាន អូនរត់ទៅចោលបង មិនឱ្យបងដឹងណាព្រលឹងអើយ រៀមសែនឈឺចិត្តណាស់ លែងបានប្រទះ បាត់ស្រីឱ្យបងអាល័យ ទោះបីជាយ៉ាងណាលែងបានជីវាជួបមុខទៀតហើយ ម៉ានី។
៤ –(ស្រី) រឿងអតីតកាលនៃយើងទាំងពីរ អូនមិនភ្លេចទេ
អូនចាកចោលប្រុសស្នេហ៍ គ្មានចិត្តបែកបែរ អូននៅស្រណោះ
អូនទៅចោលបងនេះ ព្រោះចង់ដឹងថា បងស្មោះនឹងអូនទេស្ងួន
អូនមិនបានបែកបែរ រិះរេរកស្នេហ៍គូថ្មីទៀតឡើយ។
៥ –(ប្រុស) សម្ផស្សទឹកត្រពាំង រស្មីចែងចាំងនៅសងខាងភ្នំ
មានរូបអូនហើយនិងខ្ញុំ សាសងស្នេហាមិនចេះឆ្អែតឆ្អន់
រៀមនៅតែនឹកស្រមៃអូននៅក្នុងដៃ បងធ្លាប់បីត្រកងអូនអ្ហើយ
ទោះមេឃខ្ពស់ដីធំយ៉ាងណា បងទៅយកអូនឱ្យបាន ម៉ានី។
៦ –(ស្រី) នឹកដល់គ្រាកម្សត់ប្រែប្រួលកើតទុក្ខ ឥឡូវធូរស្បើយ
ដូចជារដូវប្រាំងក្អែកហើរសំកាំង ភ្លៀងធ្លាក់ជោកជាំ។
៧ –(ប្រុស – ស្រី) តាំងពីថ្ងៃនេះទៅយើងអាចរស់នៅ ជាមួយគ្នាហើយណាថ្លៃ
ទោះបីមេឃរលំរលាយយ៉ាងណា យើងមិនព្រាត់ឡើយ ម៉ានី។
ច្រៀងដោយ សុីន ស៊ីសាមុត និង រស់ សេរីសុទ្ធា
បទភ្លេងនិងទំនុក ខៀវ សុខា
ប្រគំជាចង្វាក់ Pasodoble
ហាងថាស ហង្សមាស
បទបរទេសដែលស្រដៀងគ្នា
ក្រុមការងារ
- ប្រមូលផ្ដុំដោយ ខ្ចៅ ឃុនសំរ៉ង
- គាំទ្រ ផ្ដល់យោបល់ ដោយ យង់ វិបុល
- ពិនិត្យអក្ខរាវិរុទ្ធដោយ ខ្ចៅ ឃុនសំរ៉ង ម៉ៅ រ៉ុង ជត ស្រីរី តាន់ សាំងង៉ូវ ឈុត សីរីរិទ្ធ និង គឿម ពិសី
យើងខ្ញុំមានបំណងរក្សាសម្បត្តិខ្មែរទុកនៅលើគេហទំព័រ www.elibraryofcambodia.org នេះ ព្រមទាំងផ្សព្វផ្សាយសម្រាប់បម្រើជាប្រយោជន៍សាធារណៈ ដោយឥតគិតរក និងយកកម្រៃ នៅមុនថ្ងៃទី១៧ ខែមេសា ឆ្នាំ១៩៧៥ ចម្រៀងខ្មែរបានថតផ្សាយលក់លើថាសចម្រៀង 45 RPM 33 ½ RPM 78 RPM ដោយផលិតកម្ម ថាស កណ្ដឹងមាស ឃ្លាំងមឿង ចតុមុខ ហេងហេង សញ្ញាច័ន្ទឆាយា នាគមាស បាយ័ន ផ្សារថ្មី ពស់មាស ពែងមាស ភួងម្លិះ ភ្នំពេជ្រ គ្លិស្សេ ភ្នំពេញ ភ្នំមាស មណ្ឌលតន្រ្តី មនោរម្យ មេអំបៅ រូបតោ កាពីតូល សញ្ញា វត្តភ្នំ វិមានឯករាជ្យ សម័យអាប៉ូឡូ សាឃូរ៉ា ខ្លាធំ សិម្ពលី សេកមាស ហង្សមាស ហនុមាន ហ្គាណេហ្វូ អង្គរ Lac Sea សញ្ញា អប្សារា អូឡាំពិក កីឡា ថាសមាស ម្កុដពេជ្រ មនោរម្យ បូកគោ ឥន្ទ្រី Eagle ទេពអប្សរ ចតុមុខ ឃ្លោកទិព្វ ខេមរា មេខ្លា សាកលតន្ត្រី មេអំបៅ Diamond Columbo ហ្វីលិព Philips EUROPASIE EP ដំណើរខ្មែរ ទេពធីតា មហាធូរ៉ា ជាដើម។
ព្រមជាមួយគ្នាមានកាសែ្សតចម្រៀង (Cassette) ដូចជា កាស្សែត ពពកស White Cloud កាស្សែត ពស់មាស កាស្សែត ច័ន្ទឆាយា កាស្សែត ថាសមាស កាស្សែត ពេងមាស កាស្សែត ភ្នំពេជ្រ កាស្សែត មេខ្លា កាស្សែត វត្តភ្នំ កាស្សែត វិមានឯករាជ្យ កាស្សែត ស៊ីន ស៊ីសាមុត កាស្សែត អប្សារា កាស្សែត សាឃូរ៉ា និង reel to reel tape ក្នុងជំនាន់នោះ អ្នកចម្រៀង ប្រុសមានលោក ស៊ិន ស៊ីសាមុត លោក ថេត សម្បត្តិ លោក សុះ ម៉ាត់ លោក យស អូឡារាំង លោក យ៉ង់ ឈាង លោក ពេជ្រ សាមឿន លោក គាង យុទ្ធហាន លោក ជា សាវឿន លោក ថាច់ សូលី លោក ឌុច គឹមហាក់ លោក យិន ឌីកាន លោក វ៉ា សូវី លោក ឡឹក សាវ៉ាត លោក ហួរ ឡាវី លោក វ័រ សារុន លោក កុល សែម លោក មាស សាម៉ន លោក អាប់ឌុល សារី លោក តូច តេង លោក ជុំ កែម លោក អ៊ឹង ណារី លោក អ៊ិន យ៉េង លោក ម៉ុល កាម៉ាច លោក អ៊ឹម សុងសឺម លោក មាស ហុកសេង លោក លីវ តឹក និងលោក យិន សារិន ជាដើម។
ចំណែកអ្នកចម្រៀងស្រីមាន អ្នកស្រី ហៃ សុខុម អ្នកស្រី រស់សេរីសុទ្ធា អ្នកស្រី ពៅ ណារី ឬ ពៅ វណ្ណារី អ្នកស្រី ហែម សុវណ្ណ អ្នកស្រី កែវ មន្ថា អ្នកស្រី កែវ សេដ្ឋា អ្នកស្រី ឌីសាខន អ្នកស្រី កុយ សារឹម អ្នកស្រី ប៉ែនរ៉ន អ្នកស្រី ហួយ មាស អ្នកស្រី ម៉ៅ សារ៉េត អ្នកស្រី សូ សាវឿន អ្នកស្រី តារា ចោមច័ន្ទ អ្នកស្រី ឈុន វណ្ណា អ្នកស្រី សៀង ឌី អ្នកស្រី ឈូន ម៉ាឡៃ អ្នកស្រី យីវ បូផាន អ្នកស្រី សុត សុខា អ្នកស្រី ពៅ សុជាតា អ្នកស្រី នូវ ណារិន អ្នកស្រី សេង បុទុម និងអ្នកស្រី ប៉ូឡែត ហៅ Sav Dei ជាដើម។
បន្ទាប់ពីថ្ងៃទី១៧ ខែមេសា ឆ្នាំ១៩៧៥ ផលិតកម្មរស្មីពានមាស សាយណ្ណារា បានធ្វើស៊ីឌី របស់អ្នកចម្រៀងជំនាន់មុនថ្ងៃទី១៧ ខែមេសា ឆ្នាំ១៩៧៥។ ជាមួយគ្នាផងដែរ ផលិតកម្ម រស្មីហង្សមាស ចាបមាស រៃមាស ឆ្លងដែន ជាដើមបានផលិតជា ស៊ីឌី វីស៊ីឌី ឌីវីឌី មានអត្ថបទចម្រៀងដើម ព្រមទាំងអត្ថបទចម្រៀងខុសពីមុនខ្លះៗ ហើយច្រៀងដោយអ្នកជំនាន់មុន និងអ្នកចម្រៀងជំនាន់ថ្មីដូចជា លោក ណូយ វ៉ាន់ណេត លោក ឯក ស៊ីដេ លោក ឡោ សារិត លោក សួស សងវាចា លោក មករា រ័ត្ន លោក ឈួយ សុភាព លោក គង់ ឌីណា លោក សូ សុភ័ក្រ លោក ពេជ្រ សុខា លោក សុត សាវុឌ លោក ព្រាប សុវត្ថិ លោក កែវ សារ៉ាត់ លោក ឆន សុវណ្ណរាជ លោក ឆាយ វិរៈយុទ្ធ អ្នកស្រី ជិន សេរីយ៉ា អ្នកស្រី ម៉េង កែវពេជ្រចិន្តា អ្នកស្រី ទូច ស្រីនិច អ្នកស្រី ហ៊ឹម ស៊ីវន កញ្ញា ទៀងមុំ សុធាវី អ្នកស្រី អឿន ស្រីមុំ អ្នកស្រី ឈួន សុវណ្ណឆ័យ អ្នកស្រី ឱក សុគន្ធកញ្ញា អ្នកស្រី សុគន្ធ នីសា អ្នកស្រី សាត សេរីយ៉ង និងអ្នកស្រី អ៊ុន សុផល ជាដើម។