32 លក់គុយទាវ
កំណត់សម្គាល់៖
- 32 លក់គុយទាវ ( 32 ភាសាបារាំង អានថា ត្រងដឺ ) គួរអានថា ត្រងដឺ លក់គុយទាវ ដែលទាក់ទងនឹង លោក យិន បឿន ហៅ នាយ ត្រងដឺ តារាកំប្លែង ល្បីល្បាញ
- ជាបទចម្រៀងដើម មុនថ្ងៃ១៧ មេសា ១៩៧៥ ច្រៀងដំបូង ដោយ លោក អ៊ឹង ណារី និង វ័រ សារុន
- ទំនុកច្រៀងដោយ លោក សេង សុវត្ថ បទភ្លេង ម៉ក ឈួន ប្រគំជាចង្វាក់ Cha Cha Cha
- ផ្សាយជា ថាស - Vinyl ដោយ ក្រុមហ៊ុន ឡាក់ ស៊ា LAC SEA សញ្ញា អប្សារា 9079 A 45 RPM
- ចម្រៀងក្នុងខ្សែភាពយន្តខ្មែរ រឿង " កាត់កន្ទុយលាបកំបោរ " របស់ផលិតកម្ម អប្សារា ភាពយន្ត ដឹកនាំរឿង ដោយនាយ ត្រងដឺ និង ប្រុក កាជួន និង ដែលបង្ហាញពីប្រវត្តិពឹត ជីវិតពឹតរបស់ នាយ ត្រងដឺ
- នៅ ឆ្មាំ ១៩៧៣ ចេញផ្សាយជា កាសែ្សត ក្រុមហ៊ុន ឡាក់ ស៊ា LAC SEA ( LS ) សញ្ញា អប្សារា LS 7 នៅ Side A បទទី ៥
អត្ថបទចម្រៀង
32 លក់គុយទាវ គួរអានថា ត្រងដឺ លក់គុយទាវ
១ – គុយទាវមានជាតិញាតិនិយម សាច់ច្រើនចានធំឆ្ងាញ់អស្ចារ្យ
អញ្ជើញខាងនេះតាមត្រូវការ មក មកពិសាគុយទាវឆ្ងាញ់តម្លៃថោកគួរសម។
យ៉ាមកពីណាហ៊ានកាត់មុខ ស្រែកហៅអ្នកស្រុកឱ្យច្រឡំ
គុយទាវដែលឆ្ងាញ់គឺហាងខ្ញុំ ហើយកុំច្រិមច្រុម តិចវាស់ដី ហាស្ដីឱ្យមើលគេ។
២ – គុយទាវខ្ញុំធ្វើលើគេឯង លក់សព្វកន្លែងមិនដែលអេ
កោតហ៊ានអួតមិនខ្មាសគេ តិចភ្ញៀវគេ ជេរ ថាមិនឆ្ងាញ់នាំក្នាញ់ក្ដៅរាល់ថ្ងៃ
ចាំមើលខ្ញុំធ្វើលើសគាត់ឯង កុំអួតក្ដែងៗខ្មាស ក្មេងស្រី
អើ អាមួយហ្នឹងទុកធ្វើអ្វី ឱ្យគ្នាសុំខ្ចីរត់តុ ម្ដង ម៉េចល្បងយល់ព្រមទេ
(ភ្លេង)
៣ – ឃើញទេគុយទាវលក់អស់ស្រេច គុយទាវខ្ញុំដាច់មិនចេះអេ
ចំណែកគាត់ឯងគ្មានគេក្បែរ ម៉េចខ្មាសគេទេអាតូហ៊ា អាហ៊ា ខ្មាស គ្នាផង
បើវានៅសល់កុំខ្វល់អ្វី ទុកឱ្យគ្នាខ្ចីលក់បានម្ដង
ទេទេមិនបានទេលោកបង តិចមួយដំបង ប្រកាច់ត្រិលម៉េចខ្ចិលរស់ណាស់ឬ?
ច្រៀងសាឡើងវិញ ១ ២ និង ៣
ច្រៀងដោយ អ៊ឹង ណារី និង វ័រ សារុន
ប្រគំជាចង្វាក់ Cha Cha Cha
សូមស្ដាប់សំនៀងដើម
ចម្រៀងថត ពី ថាស Vinyl ដោយ ក្រុមហ៊ុន ឡាក់ ស៊ា LAC SEA សញ្ញា អប្សារា 9079 A 45 RPM ជា MP4 អំណោយពីលោក ណៃ ទុយ
ចម្រៀងថត ពី ថាស Vinyl ដោយ ក្រុមហ៊ុន ឡាក់ ស៊ា LAC SEA សញ្ញា អប្សារា 9079 A 45 RPM ជា MP3 អំណោយពីលោក ណៃ ទុយ
យើងអត់មាន ចម្រៀង ពី កាសែ្សត ក្រុមហ៊ុន ឡាក់ ស៊ា LAC SEA ( LS ) សញ្ញា អប្សារា LS 7 នៅ Side A បទទី ៥ ឆ្នាំ ១៩៧៣
បទបរទេសដែលស្រដៀងគ្នា
ក្រុមការងារ
- ប្រមូលផ្ដុំដោយ ខ្ចៅ ឃុនសំរ៉ង
- ជំនួយផ្ដល់យោបល់ ដោយ អ៊ុត សំអាត និង យង់ វិបុល
- ពិនិត្យ អក្ខរាវិរុទ្ធ ដោយ ខ្ចៅ ឃុនសំរ៉ង អ៊ឹម ឧសភា ស្រេង សុជាតា ធី លីហៀង ស្រេង កក្កដា សៅ សាវ៉ាត និង នាង ចន្ទម៉ុល
យើងខ្ញុំមានបំណងរក្សាសម្បត្តិខ្មែរទុកនៅលើគេហទំព័រ www.elibraryofcambodia.org នេះ ព្រមទាំងផ្សព្វផ្សាយសម្រាប់បម្រើជាប្រយោជន៍សាធារណៈ ដោយឥតគិតរក និងយកកម្រៃ នៅមុនថ្ងៃទី១៧ ខែមេសា ឆ្នាំ១៩៧៥ ចម្រៀងខ្មែរបានថតផ្សាយលក់លើថាសចម្រៀង 45 RPM 33 ½ RPM 78 RPM ដោយផលិតកម្ម ថាស កណ្ដឹងមាស ឃ្លាំងមឿង ចតុមុខ ហេងហេង សញ្ញាច័ន្ទឆាយា នាគមាស បាយ័ន ផ្សារថ្មី ពស់មាស ពែងមាស ភួងម្លិះ ភ្នំពេជ្រ គ្លិស្សេ ភ្នំពេញ ភ្នំមាស មណ្ឌលតន្រ្តី មនោរម្យ មេអំបៅ រូបតោ កាពីតូល សញ្ញា វត្តភ្នំ វិមានឯករាជ្យ សម័យអាប៉ូឡូ សាឃូរ៉ា ខ្លាធំ សិម្ពលី សេកមាស ហង្សមាស ហនុមាន ហ្គាណេហ្វូ អង្គរ Lac Sea សញ្ញា អប្សារា អូឡាំពិក កីឡា ថាសមាស ម្កុដពេជ្រ មនោរម្យ បូកគោ ឥន្ទ្រី Eagle ទេពអប្សរ ចតុមុខ ឃ្លោកទិព្វ ខេមរា មេខ្លា សាកលតន្ត្រី មេអំបៅ Diamond Columbo ហ្វីលិព Philips EUROPASIE EP ដំណើរខ្មែរ ទេពធីតា មហាធូរ៉ា ជាដើម។
ព្រមជាមួយគ្នាមានកាសែ្សតចម្រៀង (Cassette) ដូចជា កាស្សែត ពពកស White Cloud កាស្សែត ពស់មាស កាស្សែត ច័ន្ទឆាយា កាស្សែត ថាសមាស កាស្សែត ពេងមាស កាស្សែត ភ្នំពេជ្រ កាស្សែត មេខ្លា កាស្សែត វត្តភ្នំ កាស្សែត វិមានឯករាជ្យ កាស្សែត ស៊ីន ស៊ីសាមុត កាស្សែត អប្សារា កាស្សែត សាឃូរ៉ា និង reel to reel tape ក្នុងជំនាន់នោះ អ្នកចម្រៀង ប្រុសមានលោក ស៊ិន ស៊ីសាមុត លោក ថេត សម្បត្តិ លោក សុះ ម៉ាត់ លោក យស អូឡារាំង លោក យ៉ង់ ឈាង លោក ពេជ្រ សាមឿន លោក គាង យុទ្ធហាន លោក ជា សាវឿន លោក ថាច់ សូលី លោក ឌុច គឹមហាក់ លោក យិន ឌីកាន លោក វ៉ា សូវី លោក ឡឹក សាវ៉ាត លោក ហួរ ឡាវី លោក វ័រ សារុន លោក កុល សែម លោក មាស សាម៉ន លោក អាប់ឌុល សារី លោក តូច តេង លោក ជុំ កែម លោក អ៊ឹង ណារី លោក អ៊ិន យ៉េង លោក ម៉ុល កាម៉ាច លោក អ៊ឹម សុងសឺម លោក មាស ហុកសេង លោក លីវ តឹក និងលោក យិន សារិន ជាដើម។
ចំណែកអ្នកចម្រៀងស្រីមាន អ្នកស្រី ហៃ សុខុម អ្នកស្រី រស់សេរីសុទ្ធា អ្នកស្រី ពៅ ណារី ឬ ពៅ វណ្ណារី អ្នកស្រី ហែម សុវណ្ណ អ្នកស្រី កែវ មន្ថា អ្នកស្រី កែវ សេដ្ឋា អ្នកស្រី ឌីសាខន អ្នកស្រី កុយ សារឹម អ្នកស្រី ប៉ែនរ៉ន អ្នកស្រី ហួយ មាស អ្នកស្រី ម៉ៅ សារ៉េត អ្នកស្រី សូ សាវឿន អ្នកស្រី តារា ចោមច័ន្ទ អ្នកស្រី ឈុន វណ្ណា អ្នកស្រី សៀង ឌី អ្នកស្រី ឈូន ម៉ាឡៃ អ្នកស្រី យីវ បូផាន អ្នកស្រី សុត សុខា អ្នកស្រី ពៅ សុជាតា អ្នកស្រី នូវ ណារិន អ្នកស្រី សេង បុទុម និងអ្នកស្រី ប៉ូឡែត ហៅ Sav Dei ជាដើម។
បន្ទាប់ពីថ្ងៃទី១៧ ខែមេសា ឆ្នាំ១៩៧៥ ផលិតកម្មរស្មីពានមាស សាយណ្ណារា បានធ្វើស៊ីឌី របស់អ្នកចម្រៀងជំនាន់មុនថ្ងៃទី១៧ ខែមេសា ឆ្នាំ១៩៧៥។ ជាមួយគ្នាផងដែរ ផលិតកម្ម រស្មីហង្សមាស ចាបមាស រៃមាស ឆ្លងដែន ជាដើមបានផលិតជា ស៊ីឌី វីស៊ីឌី ឌីវីឌី មានអត្ថបទចម្រៀងដើម ព្រមទាំងអត្ថបទចម្រៀងខុសពីមុនខ្លះៗ ហើយច្រៀងដោយអ្នកជំនាន់មុន និងអ្នកចម្រៀងជំនាន់ថ្មីដូចជា លោក ណូយ វ៉ាន់ណេត លោក ឯក ស៊ីដេ លោក ឡោ សារិត លោក សួស សងវាចា លោក មករា រ័ត្ន លោក ឈួយ សុភាព លោក គង់ ឌីណា លោក សូ សុភ័ក្រ លោក ពេជ្រ សុខា លោក សុត សាវុឌ លោក ព្រាប សុវត្ថិ លោក កែវ សារ៉ាត់ លោក ឆន សុវណ្ណរាជ លោក ឆាយ វិរៈយុទ្ធ អ្នកស្រី ជិន សេរីយ៉ា អ្នកស្រី ម៉េង កែវពេជ្រចិន្តា អ្នកស្រី ទូច ស្រីនិច អ្នកស្រី ហ៊ឹម ស៊ីវន កញ្ញា ទៀងមុំ សុធាវី អ្នកស្រី អឿន ស្រីមុំ អ្នកស្រី ឈួន សុវណ្ណឆ័យ អ្នកស្រី ឱក សុគន្ធកញ្ញា អ្នកស្រី សុគន្ធ នីសា អ្នកស្រី សាត សេរីយ៉ង និងអ្នកស្រី អ៊ុន សុផល ជាដើម។